- Babakan : lembur anyar
- Babantar : lebah walungan anu léah sarta déét
- Basisir : Sisi laut anu loba keusikna
- Bobojong : jojontor tanah anu nyodor ka cai (biasana di sisi walungan)
- Bubulak : sarupa tegalan, tanah nu pinuh ku jukut nu aya di lamping gunung atawa di pasir
- Buruan : tempat anu lega di luar imah
- Dungus : runyuk, rungkun, gundukan tatangkalan laleutik nu rada rembet.
- Gupitan : Jalan heureut (sarupa jalan satapak) antara dua lamping
- Hunyur : Imah rinyuh atawa taneuh nu mucunghul, pasir leutik
- Huma : Sawah darat, kebon nu dipaké melak paré tur tara dikocoran cai
- Jalan huni : Lolongkrang tincakkeun antara pepelakan di kebon
- Jalan jajahan : Jalan gedenu bisa dipaké ngaliwat kandaraan
- Jalan satapak : Jalan nu ngan bisa diliwatan ku jelema
- Jontor : Taneuh anu nyodor ka laut
- Jungkrang : Legok anu jero sarta gurawés
- Kubangan : Tempat nu ledok (biasana di sawah atawa di balong) paranti mandi munding
- Kamalir : Jalan cai leutik
- Kobakan : Lobang di tegalan anu aya caian
- Kolombéran : tempat cai ngalir di buruan nupas handapeun tungtung suhunan
- Karéés : Tempat di sisi walungan anu réa keusikan
- Kebon : Taneuh darat nu dipaké melak rupa-rupa pepelakan
- Lamping : Tempat di gunung antara puncak jeung tutugan
- Landeuh : Taneuh atawa tempat nu leuwih handap ti tempat urang cicing
- Lebak : Tempat nu leuwih handap
- Legon : lebah basisir nu ngelok ka darat, sarupa teluk ngan leuwih leutik
- Lembur : kampung, tempat padumukan jelema nu réa imah
- Léngkong : Tempat legok jeung jero di antara dua lamping
- Leuweung : reuma, rimba, ruyuk anu leuga
- Leuwi : tempat anu jero dina walungan
- Monggor/momonggor : sarupa pasir ngan leuwih handap tur leuwih leutik
- Muhara/muara : tungtung walungan di hilir, tempat patepungna walungan jeung laut atawa walungan leutik jeung walungan gedé
- Pasir : gunung leutik sarta handap
- Peunclut : sarupa jeung pasir tapi leuwih handap
- Reuma : tanah darat urut huma
- Ruyuk : kumpulan tatangkalan laleutik anu aya deukeuteun lembur
- Rorah : cai ngocor, sarupa jeung susukan, ayana di leuweung
- Sabang : tanah darat nu dihapit ku dua walungan
- Sampalan : tegal di tengah leuweung tempat nyatuan sato jarah
- Situ : sarupa jeng balong ngan leuwih gedé, leuwih lega (biasana walungan nu dibendung sok ngajangélék jadi situ)
- Somang : jurang gurawés sarta jero
- Susukan : jalan cai ker nyaian sawah
- Talaga : liang cai anu gedé
- Tanjung : jojontor, tanah nu nyodor ka laut
- Tarikolot : tempat urut lembur / kampung anu tos teu di tempatan
- Tegalan : tanah lega tur rata nu sabagian gedé pinuh ku jukut wungkul
- Teluk : basisir nu ngelok ka darat
- Tepis wiring : sesebutan séjén pikeun pasisian atawa pilemburan
- Tetelar : tanah datar di tengah sawah nu henteu kahontal ku cai, sok dipaké ngangon
- Tonggoh : tempat anu leuwih luhur
- Tutugan gunung : gunung beulah handap (suku gunung)
- Wahangan : walungan, ngocor caina gedé ti girang ka muara
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar