 |
| SAUNG LISUNG |
Kaula dek nginjeum ngaran
Hampura teu make menyan
Da kaula
Seja neang di caangna
Seja ngungkab di akarna
Moal nyukcruk di lembutna
tong dianteur,kula ludeung
Angguran kula jurungkeun ...!
Ja ...!
Kaula rek ngalubarkeun
Nu disebut panasaran ... !
SEJARAH SUNDA KAHYANGAN
ASAL MUASAL BASA SUNDA KAHYANGAN
Kecap kahiangan diucapkeun ku urang Sunda rupa-rupa.
Jaba ti kahiangan teh aya anu sok ngucapkeun kahyangan atawa kayangan.
Tiluannana sok dipake jeung kabeh samaksud atawa saharti. kulantaran
kitu kecap-kecap:hiang,hiyang jeung yang teh dina basa
Sunda nu kiwari mah dianggap sarua jeung saharti,lantaran tilu kecap anu
di luhur teh lamun seug dirucat mah jadi:ka-hiang-an,ka-hiyang-an,jeung ka-yang-an.
Timbul pertanyaan:naha tilu kecapannana:hiang,hiyang jeung
yang teh bareng timbulna atawa henteu? Nu mana anu bisa dianggap leuwih
ti heula? Naha kecap hiyang anu robah jadi yang jeung hiang,atawa asalna tina yang terus robah jadi hiyang jeung hiang.
Nurutkeun paham nu ngawi(kawincentris),cenah asalna teh tina basa Kawi hyang. Lantaran dina letah urang Sunda umum ucapannana kagok, nya digampangkeun jadi yang atawa hiyang. Ucapan hiyang memang gampang robahna kana hiang mah.
Pamadegan
anu bieu didasarkeun kana anggapan,yen urang Sunda bogeunnana kecap
hiang jeung nu sejenna teh beunang nginjeum tina basa kawi.
Sabalikna
aya anu boga pamadegan,yen asalna pisan mah memang kecap yang.
Katerangan sarupa kieu bisa dibaca dina kamus Sunda Yasana
R.Satjdibrata. Di dinya katerangan kecap hiang teh kieu:
hiang(saenyana robahan tina Yang=dewa)
Eusi katerangan di luhur teh bisa dibagi dua bagian:
1. hiang asalna tina yang jeung
2. yang = dewa
Naha katerangan anu di luhur bisa ditarima ?
Urang papay raratanana,tapi urang heulakeun katerangan anu kahiji. Ngeunaan harti kecap yang mah engke bae dina bagian sejen
Hanjakal
pisan saenyana mah, katerangan dina kamus teh ku pondok-heureut pisan
ukur keur tamba poekeun. Mun disosok jero mah lapur. memang nepi ka
waktu ieu,basa Sunda can bogaeun hiji kamus anu sakurang-kurangna cara
kamus basa Walanda(Belanda) yasana Koenan upamana. Naha enya kecap hiang
teh asalna tina yang.
Numutkeun almarhum Prop. Muhammd Yamin dina bukuna 6000 Taun Sang Merah Putih dina basa Cam aya kecap-kecap:Po Yang Ame jeung Po Yang Ine:Kecap po dina basa Cam sarua jeung kecap po Sunda dina kecap poyang:sarua jeung kecap pu anu ayeuna jadi empu. Po jeung pu mangrupa awalan panghormat (praefix honoratif).
Kecap ame(=bapa)sarua jeung kecap ama dina basa Indonesia Purba anu dina basa Sunda ayeuna jadi rama (ra-ama=bapa nu dihormat):ari kecap ine(=indung)sarua
jeung kecap ina dina basa indonesia Purba anu dina basa Sunda kiwari
jadi inang. Ngunangan hartina sacerewelna mah ngindungan. Dina praktekna
mah nyusuan. kulantaran kitu,lila-lila kecap inang teh rada ngeser
hartina:ayeuna mah sok dihartikeun susu(hapunten).
Jadi kecap Po Yang dina basa Cam sarua jeung poyang dina basa Sunda. Ari Tanah Cam teh baheulana mangrupa tempat asal karuhun bangsa Indonesia samemehna mencar neangan lemah cai anyar. Ku lantaran kitu,urang Cam teh
sasat saturunan keneh jeung urang anu tangtu bae basana oge rea
saruana,lantaran masih sadapuran,umumna dianggap geus aya dina basa-basa
anu aya di Indonesia,umumna dianggap geus aya dina basa karuhun urang
keur waktu ngagunduk keneh. Kecap-kecap baheula kitu oge!
Ku lantaran kitu,urang bisa mastikeun,yen kecap asalna mah memang bener kecap yang.
Hal ieu sakali jadi ngaleungitkeun pamadegan, yen urang Sunda bogana
kecap eta teh beunang nginjeum tina basa Kawi. Naha kecap yang teh
mangrupa kecap asal tawa kecap rundayan keneh dina basa Indonesia
Purba,engke ditukang urang paluruh deui. Nu pasti mah:Kahiji dinaabasa
anu ayeuna kecap yang dianggap kecap mandiri. kadua memang dina kaayaan
eta nerekabna atawa asupna kana basa-basa di Indonesia anu nepi ka
ayeuna masih keneh neundeun kecap anu aya tumalina jeung kecap yang.
Tina::Majalah Sunda Baranangsiang no.2 - 1961.
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar