Permainan Tradisional Daerah Jawa Barat | Titinggi Ula Uli

Kaulinan Titinggi Ula-Uli

Kaulinan Urang Lembur Titinggi Ula-Ali
Samemeh arindit ka pangajian, mun pareng pasosore hade poena, barudak awewe nu umurna rata-rata 8 nepi ka 11 tahun, arulin heula. Itung-itung ngadagoan bedug magrib. Sampingna nu sok diparake dina ngaji, ditareundeun heula ditumpukkeun dina bale-bale. Ari tiungna atawa karembong mah teu ditunda, tapi dibeubeurkeun, kawas nu rek ngarigel.

Tungtung karembong anu ngarumbayna pada nyarekel, manjang atawa ngantay ti hareup nepi ka tukang, kawas kareta api atawa titinggi.

Ikoh nangtung panghareupna, jadi hulu atawa lokomotifna mun dina kareta api tea mah. Disambung ku Ursih, anu kadua nyekel karembong Ikoh. Usih disebutna beuheung. Uta, Enen, Eni, Kokom jadi awakna, ari Onah nu pangpandeurina jadi buntutna.

"Geus sadia ieu teh?" cek hulu nanya ka sarerea.
"Enggeus!" tembal sarerea. Tuluy papageuh-pageuh nyarekel karembong tea. Brek rada darongko. Dimimitian diluluguan ku hulu.

"Yu urang mimitian maju!" ceuk hulu. Majuna rada ongko-ongkoan. Bulat-beulit, arula-arileu, ngurilingan buruan, bari raeng karakawihan.

Titinggi ula-uli
Papagan urang Kawali
pais tipung digulaan
diteundeun di catang hawu
diteang enyut bilatung ...!

Kira-kira geus meunang 3-4 kuriling, top hulu teh nyokot dangdaunan atawa rokrak, dibikeun ka beuheung bari ngomong, (antayan mah tetep maju keneh, henteu cicing), "ieu mihape hayam!"
Ditampana ku beuheung, beuheung mikeun ka awak, mapay tug nepi ka buntutna, silih hapekeun.

Ari Omah, buntutna, teu kabagean pikeun mihapekeunana, ngan belewer bae dangdaunan atawa rokrak teh dialungkeun.
Hulu nanyakeun ka beuheung, "Di mana hayam aing?"
"Dipihapekeun!" tembal beuheung.
Beuheung mapay nanyakeun ka awak, awak nanay ka buntut.

Buntut nembalan, "Euweuh dihakan heulang!" neangan nu leungit. Ari geus kapanggih, bagilir, si buntut kudu jadi hulu titinggi, ari hulu jadi beuheung. Kitu bae meunang sababaraha balikan nepi ka pada giliran jadi hulu atawa buntut.

"Tah euy, Si Jali geus adan di munara masjid!" ceuk Ikoh bari top kana samping nu ditunda dina bale -bale tea, ditaluturkeun ku babaturanana rek pada bebersih. Dicutat tina: Arulin di Pilemburan 1983- Kenging Akub Sumarna

Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas

Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.