Dongeng Sunda Tina Misnem Jeung Rusdi

Geber-Geber Hihid Aing
Kacaritakeun jaman baheula aya dua budak pahatu, lanceukna lalaki, ari adina awéwé. Imahna deukeut hiji leuweung anu loba tangkal bubuahan nu ngarareunah, kayaning pari, kupa, pining, jeng saliana.

Dina hiji mangsa barudak téh rék ngala buah kupa ka leuweung. Barang dating ka leuweung, lanceukna nyarita, "Nyai, Akang rék ngala bubuahan, ku Nyai pulungan!"
"Heug,Akang"ceuk adina.

Térékél budak téh naék. Barang keur jongjon ngala kupa,léor aya oray sanca nyampeurkeun adina anu keur diuk nyanghunjar nyarandé kana catang.

Gep oray téh ngégél kana sukuna. Budak téh ngahariring ngawih.
"Kang tulungan, Kang tulungan! Aya anu gagarayaman kana bitis jeung ngégélan cing geuwat kuring tulungan!"

Usap baé, Nyai, meureun sireum!" ceuk lanceukna.
Budak awéwé téh sapanjang bisa ngomong kénéh mah teu eureun-eureun ngawih ménta tulung tapi ku lanceukna teu ditolih, marukankeun sireum baé. Tungtungna leg baé budak téh diteureuy buleud, tuluy oray téh asup ka leuwi.

Lanceukna reuwaseun naker sabab adina teu kecét-kecét. Manéhna tuluy turun, sanggeus di handap reuwaseun pisan sarta nyangka yén adina dihakan oray. Tulut disused tapak oray téh. Kabeneran barang datang kahiji tempat kapanggih oray keur gulang-guling baé teu bisaeun indit. Budak lalaki ngadéngé manuk haur disada, pokna "Cukrih, cukrih, turih ku pucuk eurih."

Teu talangké deui beuteung oray diturih. Goréhéh téh adina kapanggih tina jero beuteung oray, terus dibawa balik. Barang datang sok adina téh digolérkeun di tengah imah, ku manéhna digeberan bari ngawih.

"Geber-geber hihid aing
Hihid aing kabuyutan
Titinggal nini awaking"

Kerenyed suku budak téh usik. Pok deui lanceukna ngawih. Kerenyed deui awakna usik. Kitu baé satuluyna, nepi budak awéwé téh hirup deui.

Budak awewe jeung lalaki teh silih gabrug bakat ku pada gumbira. Tatangkalan milu bungah,arigel-igelan.

Bungah kabeh bungah sagunung-gunung,kabeh milu suka,tatangkalan milu usik,cahya surya ka dinya ngadadak caang.

Galumbira geus leupas tina kawuyung,eta dua budak,leuweung ganggong milu seuri,alam dunya katembong bear marahmay.
Budak awewe jeung budak lalaki katut tatangkalan di leuweung bararis,arindit ti dinya.

Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas

Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.