Bandera Urang Dangdanggula
Ngerab-ngerab katebak angin,
beureum bodas hebat tapi waas,
dua warna pulas polos,
ti luhur beureum alur,
perlambang sugih kawani,
teguh tanggoh tur gagah,
dina perang tarung,
suka pejet batan ngejat,
kajeun lebur teu lebar naruhkeun pati,
bumela ka nagara
Pulas bodas warna anu murni,
suci setra tanda manah sutra,
sasmita beresih hate,
perlambang budi luhung,
sepi dina geugeuleuh galih,
tur adil palamarta,
pengkuh teu salingkuh,
beuneur bebeneranana,
resep bakti gumati terus jeung ati,
ka nusa jeung ka bangsa
Beureum bodas wani sarta suci,
netenggeran sa Indonesia,
sing lambat-lambut ngelebet,
ngebutkeun baju wahyu,
mawat jaya daya sajati,
rahayu mulya raja,
tetep agung langgeng agung,
ari saratna sarupa,
kudu bakti sewu-sewu seuweu-siwi,
sawawa sawajarna.
Tina : Panji Pustaka-1944
Kenging : M.A.S.
BLOG PENJUAL BUKU-BUKU LAMA KLIK DI SINI >>
Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar