Asmarandana
Bungbulang dina kalewih
suuk melentung di kebon
akar pandan diruasan
purkutut pakauman
bendungan disisi situ
peusing sah dipanjara
Dunungan teu geura mulih
bilih tereh kauninga
kaduhung lamun kadongdon
ulah waka luluasan
sing emut kahukuman
dunungan ulah sok kitu
sing nyaah kana salira
Sinom
Siki tarum rinu kembang
badoang manuk badori
eunteup dina kalijaga
manuk walet jangjang beusi
cihcir disada peuting
dina kembang tunjung tutur
kuma piakraeunana
melak supa samar jadi
daun bakung pisitan buah kokosan
Beak taun beak bulan
ngadagoan bagja diri
teu ayeuna sugan jaga
reh weleh inggis ku bisi
mikir beurang jeung peuting
ari ras direbut batur
kuma piakaleunana
supaya tereh ngajadi
gering nangtung mikiran bati hoshosan
Kinanti
Kukupu tilu kulawu
harimumu hideung deui
cat mancat ka balepulang
ngait mayang ku kareumbi
badoang manuk badoang
eunteup dina nagasari
ku lucu nu hideung huntu
imut estu narik ati
hate engkang bati melang
emut sok kasuat diri
antosan engkang antosan
bade nuturkeun pandeuri
Tina : Rasiah Ngadangding ku. P. Nataprawira 1955
Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar