Bubuka Wawacan Jaka Umbaran
Sinom
1. Pirang-pirang kabingahan, medalna buku surandil, nu geus nyebar sa Pasundan, nerekeb ka distrik-distrik. Sami suka miasih ngahegarkeun urang lembur, nawiskeun gumbirana, rasmi ngageuingkeun pikir. Ngeuyeub-ngeuyeub mapaes tanah Pasundan.
2. Piangkoh taya wangena, henteu weléh itikurih, maksakeun sabisa-bisa, neraskeun layang Surandil, nu iyén nu ditulis, disebatna Indrabahu, lalakon Jaka Umbaran, teu sanés nu jadi bibit, cariosna Ningrum jeung Suria-Ningrat.
3. Najan dongéng pamohalan, kasebat estu mustahil, menggah ceuk nu ayeuna mah, pamohalan liwat saking, manusa weduk sakti, aya nu bisaeun ngapung, sentakna sada gelap, nu nguping matak teu éling. Iyeu kabeh dimisilkeun guguyonna.
4. Éstu anu dipalar mah, supaya urang pribumi, resep sering bucu-baca. Senang bari ngahariring, upadi murang kalih, keur mahamkeun kana lagu, aksara sareng basa, kanggé nambih-nambih harti. Malak mandar hasil aya paedahna.
5. Kalihna anu dimaksad, sangkan dongengna, teu leungit, nya'ah kawantu pusaka. Titinggalan nini-aki, ulah disingkir-singkir, sing langgeng turun-tumurun, keur nimbang-nimbang lampah. Keur pangéling-ngéling pikir. Ngemut-ngemut jamana karuhun urang.
6.Menggah pribados nu ngarang ngan wungkul nyisieup dangding. Diajar sabisa-bisa nurutan nu binangkit. Nanging teu mirib-mirib. Dangding masih pabaliut, carios heunteu mayat, basana kirang patitis. Ngan ieu mah estu keur lulumayanan.
7. Tina eta muga-muga, aya sihing pangaksami. Sareng nyuhunkeun sapaat, ka arwahna anu Suci, nu kagungan damel nganggit, ieu layang Indrabahu. Mugi mukti mulia di kalanggengan. hanca ... Tina Bubuka Wawacan Jaka Umbaran - nyutat tina wawacan kuna - dipasieup deui ku Bratakoesoemah - Bandung 1921.
Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar