 |
| TAMAN PAMEKAR JILID 5 |
 |
| DONGENG PUN BONCEL |
Diantawisna aya hiji rorompok anu kaetang pang ageungna,potonganana joglo,sanes panggung sapertos nu sanes. Dupi nu gaduhna sanes pituin urang dinya nanging moal lepat ari bubuarana mah parantos lami.
Di buruanana rajeg talawungan,pangelatan titiran tihangna gombong saleunjeur-saleunjeur. Dina susuhunan saung kurungan nganggo papaes nanagaan huluna centang sungutna calangap,makutana diukir direngga-renggi sarta diermas,mani ngempur ari katojo ku panon poe teh.
Ditepasna oge rantuy kurung titiran,aya nu sareng dirarawisan gedah paselang sareng mute. Manuk titiranana baleger naker.
Upami enjing-enjing,dina wanci haneut poyan,anu gaduhna sok andekak dina babalean di buruan, bari ngelepus udud kolobot dikalembaan,ngupingkeun sora manuk anu ngarelak disarada patembalan.
Tampolana dina keur Si-Pacar ngelak mah lat hilap kana ngenyot udud,da eta sanggeumna lebar,sieun kaliwat dina lebah lengketekukna.
Wilayat-wilayatna oge sok nyalampeurkeun milu nanggap sora manuk ngelak,ngayunkeun karesep dunungan.
Aya deui pangabogohna eta anu gaduh lembur teh,kana kuda,gedonganana teu tebih ti mandapa rorompokna palih ti katuhu nyanghareup ngidul.
Wartosna mah kudana satriya-tinayungan teu kinten dipikanyaahna.
Dupi bujangna,tukang ngurus eta kuda wastana pun Boncel.
Dina hiji dinten pasosonten,pun Boncel nembe pisan dongkap ngarit,ujug-ujug haok bae diseuseul ku dununganana sareng teu antaparah dei kerewek ceulina digoengkeun,terus dikusrukkeun kajero gedogan.
"Tenjo ku sia,naha eta rarapen ngabayak diantep bae? Naha eta nu nguyumbang teu diberesihan? Ngedul siah,henteu geten kana ingon-ingon! Kumaha lamun eta kuda gering?"
Nyambung ka Nu Ieu ... Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar