Peucang jeung Gajah
Sanajan Sakadang Peucang sato bageur sok tutulung ka batur, tapi ari geus nepi kana waktuna cilaka mah teu bisa kumaha,c ilaka we. Sakali mangsa duka kumaha asalna, peucang tigebrus kana cubluk. Henteu ari jero pisan mah, ngan manehna teu bisa hanjat deui. geus sababaraha jam kukurilingan neangan jalan teu manggih wae. Ku sabab geus cape gek manehna diuk dina dasar cubluk deukeut gawirna. Dina hatena mah terus ngado'a ka nu mahakawasa muga-muga sing manggih akal keur jalan ka luar ti cubluk.
Keur ngaheruk kitu, kadenge ku peucang aya nu kokorosakan. barang di tempo ka luhur,lol teh sato tulalean nu geus teu bireuk deui, gajah. Sanggeus gajah nempo peucang dina cubluk,galakgak seuri mani ngehkey. Ceuk gajah:
"Wah moal salah sato leutik,sato licik teh ti gebrus pinter ? Cing pek pikir ! Cenah sampean mah loba akal ! ngomongna kitu gajah teu weuleh bari seuri, seuri nyeungseurikeun nu cilaka.
Peucang teu gancang nembalan bari teu nembongkeun ka sedih. Sanggeus rada lila teu aya nu ngomong.ceuk peucang:
"Saha nu ti gebrus Sakadang Gajah ...?
"Kaula mah turun kana cubluk ieu ngahaja. Naha sampean teu ngadenge dawuhan Batara Guru yen langit bakal runtuh ! Tuh ilikan di luhur geus oyag."
Gajah nempo ka langit. Kabeneran mega keur arak-arakan da katebak ku angin. Atuh gajah anu tadina seuseurian jadi ngagebeg. Tuluy nanya ka peucang:
"Nu bener Sakadang Peucang ngomong teh !
"Kaula mah ngomong sabenerna ! Nu matak ayeuna gancang nyumput di dieu da bisi katinggang ! ceuk peucang.
"Kumaha atuh kaula ... ! gajah nanya.
"Mangsabodo teuing sampean mah...!'
"Ulah kitu sakadang Peucang kapan urang teh pada-pada mahluk nu Mahakawasa," ceuk gajah lumengis.
Ari geus kudu kumaha atuh ? "Kaula milu ka dinya !
"Teu bisa ! Atuh tempat sakieu leutikna ku duaan mah sereg. Komo sampean mah boga badan sagede buta matak heurin.
"Ulah kitu Sakadang Peucang sing karunya we ka kaula !
"Lain teu karunya Sakadang Gajah ngan ! peucang ngomongna teu kebat tuluy nempo ka langit. Ceuk peucang deui,' Awas ! Awas ! Sakadang Gajah itu langit geus rengat...!"
Na da eta mah gajah bakat ku sieun katinggang langit,teu ngomong deui,jrut we turun tuturubun satengah ngagebruskeun maneh. Ari peucang barang gajah turun,gajleng kana tonggong gajah,geus kitu jleng deui ka luar tina cubluk. Sanggeus di luar manehna ngomong:
"Pek wae Sakadang gajah hayang cicing dina cubluk mah. Kaula mah hayang di nu lega ! cenah ngomongna kitu bari ngaleos ka leuweung. Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar