 |
| Masjid Manonjaya tahun 1880 |
Saenggeusna kitu, bentuk kabataraan di Galunggung aya parobahan waktu putra bungsu Sempakwaja anya eta Demusnawan atawa Sang Seuweukarna nu make gelar Rahyangta Kuku ngadegkeun hiji karajaan di Saunggalah Galunggung.
Satutasna anjeunna jadi raja tuluy diganti ku Rakean Darmasiksa putra Sang Lumahing Winduraja. Nya timimiti Rakean Darmasiksa bisa ditangtukeun urutan taun-taunna diantarana wae taun 1017/1018 nepi ka taun 1029/1030. Anjeuna ngeuyeu pamarentahan salila 12 taun di Saunggalah. Harita pisan Rakean Darmasiksa diangkat jadi Prabu Pakuan Pajajaran nu meunang gelaar Sri Jaya Bupati. Ari Saungalah diparentah ku nu jadi putrananya eta Sang Lumahing Taman.
Waktu-waktu penting lianna nu mangrupa sambungan ti Galunggung nepi ka jaman Sukakerta nu diadegkeun ku Sri Gading, tug dugi ka kiwari patilasanana masih aya keneh di desa Kaputihan Sukakerta. Pamarentahan di Sukakerta lilana nepi ka 200 taun nu ku 5 urang Raja.
Ti pamarentahan di Sukakerta dituluykeun ka Sukapura nu ngadegna dina tanggal 20 April 1641. Sarua pisan jeung ngadegna Bandung atawa Parakanmuncang.
Dina jaman Sukapura ieu aya 3 pahlawan nu perlu dicatet ku urang nya eta waktu Pamarentahan RT Wiradadaha VIII,anjeunna kungsi nolak melak nila di Sukapura. Tibatan rayat kudu sangasara, anjeunna leuwih hade ngorbankeun kalungguhanana salaku Bupati.
Memang bener dina taun 1811 Pamarentah jajahan mecat anjeunna tina kalungguhan Bupati. Salila 4 taun eta,Sukapura riceuw sabab daerahna di-bagi-bagi ka Sumedang jeung ka Limbangan.
Nya dina taun 1814 kakara bisa deui diparentah ku anjeunna, nepi kalahir cacandran "Sukapura Ngadaun Ngora" nu ngandung arti terus sirungan terus jadi jeung terus ngawangun.
Hal nu penting kadua nya eta waktu Pamarentah RT. Wiradadaha taun 1855-1875 dina waktu harita anjeunna nolak ayana "pajeg tanah" nepi ahirna dibuang ka Bogor. Ku kituna nelah jadi "Dalem Bogor".
Ari kajadian penting ka tilu nya eta dina waktu kabupaten Tasikmalaya dicekel ku R.A.A. Wiranataningrat, nya harita pisan anjeunna nolak nungtut nyaatkeun Rawa Lakbok pikeun daerah perkebunan. Ku satekah polahna ku anjeun, anjeunna bisa ngabuktikeun yen Rawa Lakbok saeutik-saeutik bisa disaatkeun pikeun kapentingan jeung dijieun sumber kasajehtraan rayatna. Kitu nurutkeun Dr. Sam Ratulangi dina "De Lakbok Droogglegd" (Nyaatan Rawa Lakbok) nu disebutkeun sabage "Mooi Bestuurswerk".
Jadi numutkeun catetan diluhur tadi, Pamarentahan Tasikmalaya dibagi 4 bagian nya eta sipatna kabataraan, sabada Batara Sempakwaja aya 5 batara,nu mangrupa sipat karajaan di galunggung aya 7 raja, hiji diantarana meunang kalungguhan Prabu (Maharja di Raja) saterusna dina 5 Raja deui di Sukakerta jeung pangahirna nu mangrupa sipat Kabupatian.
Ari nu sipat kabupatian dugi ka kiwari geus aya 23 urang nu nyangking bupati diantarana wae aya nu nyekel kalunguhan bupati dua kali nya eta R.A. Wiradadaha VIII jeung R.T.Wiradiputra.
Sebutan Tasikmalaya nitenan tina sajarah mah,ayeuna teh mangrupa nu ka tilukalina. Nu mimiti sebutan Tasikmalaya dipake ngaran Puseurdayeuh Kabupaten Sukapura taun 1813-1814. Harita teh Bupatina Anggadipa II alias Wiradadaha VIII dipeat ku Pamarentah penjajahan diganti ku Raden Tumenggung Surialaga ti Sumedang nu disebut Dalem Talun.
Kadua sebutan Tasikmalaya dipake dina taun 1821 nya eta ngaran salah sahiji afdeeling nu dipingpin ku Patih Lulurah nu ditalingakeun ku Asistent Resident.
Samemehna eta Tasikmalaya oge disebut Tawang. Harti Tasik nu bisa dipertanggung jawabkeun, nya eta "situ, sagagara, cai ngeyembeng'. Ari Malaya ngandung herti "gunung ngajajar di basisir Malabar India. jadi harti sagemblengna nya eta "loba situ deukeut gunung-gunung ngajajar." Ku.H. Husnan Tasikmalaya 21 Agustus 1975 Tina Koran Sunda "KUJANG" Jumaah 25 Agustus 1975.
Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas
Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.
Posting Komentar