Dongeng Sunda Si Kabayan Jeung Mitohana

Dijual Buku Antik dan Langka


si kabayan
Dongeng SI KABAYAN JEUNG MITOHANA

Si Kabayan ngomong ka pamajikanana, "Iteung, indung nyaneh ayeuna mais lauk gede pisan. Meni unggal poe indung nyaneh teh ngagoreng jeung mais laukna, tapi asa teu sisit-sisitna acan ka urang mere, ngan parentahna bae muruluk. Jig, ayeuna mah maneh ka ditu. Bejakeun Akang teu bisa ka sawah, bejakeun keur nyareri awak kituh. Ari ubarna kudu ku huhuluan." 

Jung Si Iteung indit, nyaritakeun ka indungna.

Ceuk indungna, Beu, ripuh atuh ari Si Kabayan gering mah. Huhuluan anu tuhur euweuh, eta bae motong hulu lauk-emas."

Hulu lauk geus dibikeun ka Si Kabayan.

Si Kabayan ngomong, " Iteung jug indit deui ka indung nyaneh, bejakeun hulu lauk geus diubarkeun, tapi tacan cageur kenah. Cenah kudu kupoko ku pais piritan jeung endogna kituh!"

Si Iteung indit deui ka indungna, omongan Si Kabayan dicaritakeun kabeh.

Ceuk indungna," Jung bae bawa,tah ieu pais endogna jeung eta pais piritanana. Geura cageur kituh !"

Si Kabayan atoheun pisan nampa pais endog jeung piritan teh. Pamajikanana dititah indit deui, bari dipapatahan piomongeunana.

Barang datang ka indungna, ku indungna ditanya," Kumaha salaki maneh teh cageur?"

Ceuk Si Iteung, " Cageur ayeun mah, ngan tinggal leuleusna. Omongna,kudu diubaran ku dagingna supaya jagjag."

Ceuk indungna, " Ih Si Kabayan kawas careuh bae. Naha aya gering barang lebokna meakkeun anu cageur. Kop bae bawa kabeh ka ditu."

Sabot pamajikana ka indungna, Si Kabayan nyadiakeun sangu saboboko.

Barang datang pamajikanana, brak bae dalahar duaan. Keur kitu, jol datang mitohana awewe-lalaki, ngalongok.

Mitohana nu awewe nanya, " Kumaha cageur Kabayan gering teh ?"

Si Kabayan reuwaseun, tuluy ngajawab: " Eu..eu.. Berekah Ma, kari ... mamayuna."
***
Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas

Postingan terkait

Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.

Dongeng Sunda Si Kabayan Jeung Mitohana

Posting Komentar